فياسبوك العرب
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

  ██▓ ..... بالشمـــع الأحمــــر ..... ██▒░

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 10
تاريخ التسجيل : 29/01/2011

مُساهمةموضوع: ██▓ ..... بالشمـــع الأحمــــر ..... ██▒░   السبت يناير 29, 2011 3:53 pm

شوف واحدة شبههي

وخليك عليها باصص

نفض يا عم وقول

مبقيتش بيها حاسس



لكن اياك تفتكر

هندم عليك يوم

أو إن الدنيا خلاص

مفيهاش غيرك هموم

لا ولا حتى بفكر ألوم



أصل انا نسيت أقولك

انا كنت شمسك وضلك

وآديني كمان نفضت

أبدا مبقيتش ليك

ولا عايزة أكون بيك



تقدر تقول كان بينا مجرد وقت

أو كان مرض ومنه خلاص رقت

عارف مين اللي فضله عليا

ومين من همي عدى بيا

انت

وانا خلاص صدقت

انو كلام في الهوى

ولا أبدا هنكون سوا

معلش كنت غبية

وفيها سقت وسقت

وانت كتر خيرك

بعمايلك معايا فقت



فشوف واحدة شبهي

وخليك عليها باصص

نفض يا عم

وقول مبقيتش بيها حاسس

ما أنا كمان نفضت

ما أنا عارفة من يوم مارجعت

بتلعن لحظة ضعف

وبتقول ياريتني وقفت

ولا ليها وحشتيني قلت



بتدور على مبرر !

وازاي تقول انا ماشي

آديني ليك سبقت

ريحتك أنا وسألت

ندمان انك رجعت ؟



طب امشي انا حوشتك ؟

أو حبيتـني أنا شفتك

يا حبيبي مهما قلت

في يوم نكون لبعض

هتصدق معايا في وعد !



دا أنا شلتك جوة قلبي

وحطيت إيدي عليه

وياما فضلت أخبي

خوفي وطول لياليه



ما أنا عارفة من الأول

وجالك يوم وعرفت

اني هعيش من غيرك

مهما قاسيت وحزنت

اني منيش طيرك

مهما عليا ضحكت



لكني خلاص نفضت

وبقولك لو تعرف

زيي من مليون

يبقا خلاص هيكون

تضحك عليها شوية

وتشرب هواك مية

وتقول خلاص مش نافع

مبقيتش ليكي سامع



وهقول ايه

زيي كان لازم

بالشمع الأحمر

تقفل على قلبها

ما هو حبي كان أكبر

من كلمة كان ردها

معلش مش نافع

مبقيتش ليكي سامع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://facebookarabe.ba7r.org
 
██▓ ..... بالشمـــع الأحمــــر ..... ██▒░
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى فايسبوك :: الخواطر والقصيدة الحرة-
انتقل الى: